Friday, May 5, 2017
Thursday, May 4, 2017
PART-3 Understanding each Lagnesh and their relationships.
PART-1 > PART-2 > PART-3(You're here) > PART-4
Ok then, abhi tak humne samjha ki kaunse SIGNS ke kaunse LORDS hote hain.
Ab hum samjhenge agla teesra basic concept ki kisi bhi LAGNA chart mein kaise pata lagayein ki kaun sa GRAH positive hai or kaunsa negative. Usse pehle yeh samajhna padega ki aapke LAGNA chart mein kaun LAGNESH hai? Matlab, 1st House mein kaunsi SIGN/NUMBER hai?
Simple hai, MIDDLE-TOP box mein nazar daalen or dekhen ki kaunsa NUMBER likha hai?. Ye NUMBER uss SIGN ko darshayega jo aapne PART-1 mein yaad kiya tha. For eg 1st ARIES hai, 3rd GEMINI hai, 7th LIBRA hai etc.
Chaliye ab shuruat karte hain 1st NUMBER/SIGN se matlab ARIES Sign se:
Ab yahan aap dekhenge ki ARIES 1st house mein hai (matlab LAGNESH hai), isiliye ab ARIES ka LORD jo ki MANGAL hain, iss chart ko sambhalenge. Matlab, LAGNESH yahan dusre GRAHON ko ek DEPARTMENT/HOUSE allot karenge or kaise karenge, chaliye dekhte hain:
Jaisa ki aap upar chart mein dekh rahein hain ki 1st house ARIES ka hai, to samajh lijiye iss chart mein MANGAL ek CHIEF-MINISTER ki upadhi le chuke hain. Matlab ki MANGAL iss chart mein dusre GRAHON ko, apni DOSTI or DUSHMANI ke hisaab se DEPARTMENTS/HOUSES allot karenge. Dekhte hain kaise?:
Iss chart mein,
MANGAL ne 1st house or 8th house liya hai.
SHUKRA ko 2nd house or 7th house allot hua hai.
BUDH ko 3rd house or 6th house allot hua hai.
CHANDRA ko 4th house allot hua hai.
SURYA ko 5th house allot hua hai.
GURU ko 9th house or 12th house allot hua hai.
SHANI ko 10th house or 11th house allot hua hai.
Ab aap yahan dekhenge ki MANGAL ne 1st or 8th house sambhala hua hai. Sawal ye banta hai ki MANGAL DEV ne 8th house jo ki TRIK-STHAN(6,8,12 bure ghar) maane jaate hain magar inhi mein se 8th house hi kyun liya? Agar aapko yaad hoga ki PART-1 mein humne padha tha ki MANGAL DEV hamare SHARIR ko pradarshit karte hain to iss hisaab se 8th house (MRITYU-BHAV) ko hi lena padega kyunki SHARIR nahi to kuch bhi nahi. DEATH matlab SHARIR khatam. To isiliye isi bhav ko sambhalna MANGAL DEV ke liye zaroori hai.
Khair, ab hum badhenge 2nd house - yahan 2nd RASHI ko 2nd&7th HOUSEs allot kiye hain MANGALDEV ne. Ab waise to aapne padha hoga ki MANGALDEV or SHUKRADEV aapas mein DUSHMAN hain isiliye iss LAGNA chart ke liye SHUKRA ek KRUR grah kehlayenge basharte agar SHUKRA apni hi raashi mein pade ho.
Agla hai 3rd house - yahan GEMINI rashi hai or iss rashi ke LORD hain BUDHDEV. Ab aapne padha tha ki BUDH or MANGAL bhi aapas mein DUSHMAN hain isiliye, MANGALDEV ne BUDHDEV ko 3rd house(PRAKRAM-BHAV) or 6th house(ROG-BHAV) allot kiya hai. Apasi DUSHMANI ki wajah se BUDH iss lagna chart ke liye KRUR ho gaye hain basharte apni hi RASHI mein baithe hon.
Ab 4th house mein dekhen - 4th SIGN matlab CANCER sign hai jinka LORD - CHADRA hain. Ab aapne padha hoga ki CHANDRA or MANGAL aapas mein DOST hain isiliye yahan MANGALDEV ne CHANDRA ko KENDRA(4th;7th;10th house) mein jagah de di. Ye 4th house MATA-BHAV (House of Luxuries) ka hai jo har tarah ki MATERIALISTIC HAPPINESS ko darshata hai. Agar ye bhaav STRONG hua to uss vyakti ke paas sab tarah ki khushiyan already maujood hongi. WEAK/STRONG ka concept hum aage ke chapters mein padhenge.
Ab hum chalte hain 5th house mein jismein 5th RASHI jo ki SURYADEV ki rashi hai. SURYADEV, jaisa ki aapne padha tha, MANGALDEV ke DOST hain or DEVON KE DEV - SURYADEV ki izzat rakhte hue TRIKON(1st;5th;9th houses)BHAV mein jagah de di. TRIKON-BHAVon ko LUCKY-bhav bhi maana jata hai, matlab aapke luck ka connection inhi bhaavon se dekha jaata hai.
6th;7th&8th houses ke baare mein main abhi samjha chuka hun.
Aage badhte hain 9th house ki taraf jismein 9th RASHI jo ki GURUDEV ki rashi hai. 12th RASHi ko bhi GURUDEV ne sambhala hua hai jo ki PISCES ki rashi hai. Isiliye GURUDEV ko MANGALDEV ne 9th house or 12th house diya hai. Or GURUDEV MANGALDEV ke DOST bhi hain isilye TRIK-STHAN mein GURUDEV ko jagah de di.
Ab aate hain last, 10th&11th house ke LORD - SHANIDEV. Yahan MANGALDEV waise to SHANIDEV ke DUSHMAN hain magar unhone SHANIDEV ko KENDRA mein jagah dekar NEUTRAL kar diya hai. Matlab naa hi jyada bure hue or naa hi jyada achche basharte aapke LAGNA chart mein 6,8,12 mein naa pade ho. Ab MANGALDEV ne SHANIDEV ko 10th house or 11th house diya hai isiliye SHANIDEV yahan KARM-STHAN or LABH-STHAN ko sambhalte hue dikhenge.
Ab aaplog samajh gaye honge ki KARAK hamesha KARAK nahi hote or MARAK hamesha MARAK nahi hote balki unki nature chart to chart vary karti hai.
To iss tarah ARIES lagna ka chart samjhaya or umeed hai aapke man mein koi bhi prashna uthe to comment section mein awashya likhen.
\Agla hai, jab TAURUS lagna mein ho.
(To Be Cotinued...)
Similarly, try to understand this.
Yeh 2nd RASHI matlab TAURUS Sign ka CHART hai jismein 2nd Sign ke LORD SHUKRA ne poora CHART sambhala hua hai. Jaise pehle ARIES Lagna ke chart ko aapne samjha tha theek usi tarah iss chart ko bhi samajhen.
Yahan 5th RASHI matlab SURYADEV ko KENDRA mein jagah di hai isiliye LAGNESH ka DUSHMAN hone ke bawazood bhi SURYADEV yahan NEUTRAL ho gaye hain. Baaki sab aap jaante hi hain.
Similarly, try to understand this.
Similarly, try to understand this.
Similarly, try to understand this.
Similarly, try to understand this.
Similarly, try to understand this.
Similarly, try to understand this.
Similarly, try to understand this.
Similarly, try to understand this.
Subscribe to:
Posts (Atom)
Milk Thistle - Caution!
The workings of human psychology have always been something that has fascinated me, and because of this, I have always made myself the topi...
-
They HAVE GONE out . (= they are not at home NOW ) He HAS CLEANED his shoes . (= his shoes are clean now ). 👉 has cleaned / have gone et... -
PART-1 (You're here) > PART-2 > PART-3 > PART-4 So, before beginning, let's recall something very important, i.e.: ...